صولو ولإن عزفك ع الكمنجة/
بيعلم الليل المسافر
ينتشي و يلون المزيكا ف اللحن ...
/ السكات
/ويخلي أطفال المدارس يصبحوا أبطال /مارضيش بعزفك../
وجه يوريكي العلاقة بين إف 16ودمعة الأطفال.......
/ف لحظة كان المغول متملكين قصرك/فجريت عليكي لجل ما تتنبهي
/كان نفسي أضمك وابقي فاعل/
فتحني قلبك ع الوجع/
ولقيتني مفعول ٌ به/ماعرفش حتى فين هقابلك/
ولا فين طريق التل/
جف الليل السوادبكفاية/
شوفت الكمنجة ف قلبي/
مكسورةوشوفت مشهد مستحيل/
يتعادطلع القمر يعزف لطيرانه/
عيون منزل الخسوف يسرق بغداد.
.......تفتكري نقدر تاني نتقابل/
والعب معاكي لعبة الممنوع/
ونشوف لقانا حين نجوع ..نشبع/
ويحين فراقنا شبعانين..فنجوع/
ولا الوداع/هيشيل نجح ..ويقول رسب/
طعم الفراق/هو الكمين اللي اتنصب/
فبلاش تشيلي ايدك من ايديا/
ده الوداع عيل مشّرد/
واللقا ...إثبات نسب/
فاضحكيلي ..كل عيد ضحكه/
واعزفي علي نصك المكسور
خلي الوتريرسم خيوط الضي/
ويضخ طعمك ف العيون العورجايز هخاف/
لو قبل سوري السجن/
لكن هاموت/لو سجني بعد السور........فاضحكي/
وارمي الملّبس للعيال/
يمكن يكون الاختلاف/
بيخلي جرحك مختلف/
لمي اللي خارج م الإطاريمكن تلاقي الضلمة نور/
والوحدة كائن مئتلف/
لو كانت الضحكة ف عنيكي عراقية/
الدمعة برده هتبقي عراقية/
بس من غير " الألِف۫ ".........فسيبيني اغني/
غنوة تديني الهويةف انسحابك هيا انتي/
وف هجومك ...انتي هيا/
فسّريلي سؤال بقاله كتير واجعني/
لو خضوعك حمل كاذب....تبقي ليه القيصرية؟!...................../.
تبقي ليه الدمعة تنزل من عنيكي/
والاباتشي بين عروقك/
تنتشي ف ضمة ايديكي/
اعصري فيها المغامرة
ده انتي جمرة/
إن لقيتي الجمر مطفي ...ولعّيه/
لمسة الجمر اللي مطفي عالجروح/
تحرق زيادةبس حرق الجمر للجرح يداويه
......فامسكي تاني الكمنجة/
واعصري قلبيك...مانجه/
وانسي قصة أبرهة
/سيبي عقلي يعد للنار ...قبرها
وانتي/ بس عليكي تيجي وتحضنيني/
وترسميلي/
نهر فيه مركب وبطةوقطر خارج م المحطة/
والعيال ف ايديها بمب ومصاصات/
وانتي جوه الصوره زى الشمس طالعه/
تحرقيني... وتجرحي/
تحضنيني... وتمسحي/
وتلاقيني رغم ضيقي/
قلبي قد الكون بريح/
لو ف قلب الصورة جرحي
/ناوي اكون أول جريح/
واكتبي علي ضهر صورتك/
لو يهوذا بجد طاهر/
.....................يبقي مين خان المسيح؟؟؟
ليست هناك تعليقات:
إرسال تعليق